Во катната гаража „26 Јули“, вчера беше отворена Skopje street art & graffiti gallery 2, а главниот град доби уште едно ново урбано обележје, по галеријата на графити која ги украси ѕидовите на ГТЦ.

Новата галерија ја разубавуваат дела на 13 домашни ликовни уметници и артисти од полето на урбаната уметност коишто твореа во организација на Младинскиот културен центар и град Скопје.

На ѕидовите на катната гаража се наоѓаат делата на: Андреј Павлов, Блаже Атанасков, Владимир Илиевски, Владимир Милиќ, Гоце Илиевски, Дејан Давчевски, Драган Китановски, Ивана Мојсовска, Ирина Атанаскова – Цоневска, Максим Димитров, Марјан Димиќ, Марко Вујисиќ и Тамара Забазноска.

Галеријата е дел од проектот CreArt (Network of Cities for Artistic Creation), кој претставува мрежа на 12 партнерски градови и институции, а се реализира во рамките на програмата Креативна Европа.