Праскијада во Градскиот парк за хуманитарни цели

99

Денеска со почеток во 10 часот во Градскиот парк во Скопје на Школка, добитникот на Наградата за младинско учество на Проектот на УСАИД за граѓанско учество, Блаже Јосифовски, со поддршка од Сите сити, ќе ја организира првата хуманитарна „Праскијада 2019“, со цел да обезбеди 20.000 оброци за социјално загрозените граѓани во државата.

Со оваа хуманитарна акција воедно се дава поддршка на локалните фармери во регионот на Росоман, каде фармерите се соочуваат со потешкотии при откупот на праски.

Посетителите ќе имаат можност да дегустираат разновидни производи од праска, како торти, компот, и слатко, во замена за нивна донација. Овие производи ќе ги подготват учениците од државното средно училиште за рехабилитација и образование „Св.Наум Охридски”– Скопје во соработка со тимови од неколку угостителски објекти од градот како „Мериот“, „Јавна соба“, „Сквиз ми“, „Ресторан Амбрела“, и компанијата „Витаминка“.

Собраните средства од производите од праска, ќе се искористат за обезбедување на оброци за 20.000 социјално загрозени семејства.