Паднати дрвја и билборди под налетот на силниот ветер во Скопје

321

Невреме проследено со силен ветер и дожд вечерва ја зафати и земјава. Граѓаните од скопските населби јавуваат за паднати дрвја и за урнати билборди на улиците под налетот на силниот ветер којшто дуваше.

Метеоролозите најавија за утре облачно, студено и ветровито со повремени врнежи претежно од снег. Во планинските региони и во западните делови ќе се формира нова снежна покривка од 10 до 20 сантиметри. Долж Повардарието врнежите ќе бидат од дожд и снег и на места ќе се формира помала снежна покривка. Поради силниот ветер (над 70 км/час) ќе има услови за појава на снежни наноси.

Невреме попладнево имаше и во Сараево, попратено со силен ветар и дожд, а во некои делови беа поплавени и неколку улици со што беше отежнат сообраќајот. Силниот ветер откорна и кров од еден објект, а имаше и турнати билборди и искршени гранки.

Силно невреме, со ветрови кои кршат гранки и откорнуваат покриви од куќите го зафати денеска целиот регион. Град и снег паѓаа во Хрватска, а силното невреме највеќе го почувствуваа жителите на Загреб и Риека. Црвен метеоаларм е најавен и за во Црна Гора, а во Србија има за 15 степени пониски температури.