Во Шуто Оризари точно една година нема матичен гинеколог, во знак на протест поставен транспарент

71

Иницијатива на жени од Шуто Оризари денеска со поставување на транспарент одбележа годишнина од немањето на матичен гинеколог во оваа скопска општина.

– 8.000-13.000 жени во репродуктивен период немаат матичен гинеколог во Шуто Оризари, иако сме среде пандемија со ковид-19, откако пред една година гинекологот ја затвори својата гинеколошката ординација – се наведува во соопштението на Иницијативата.

Од таму додаваат дека Министерството за здравство најавило отворање на нова гинеколошка ординација, но истата се уште не е отворена и како што велат, репродуктивното здравје на жените од општината веќе подолго време е ставено во ризик.

Инцијативата на жени од Шуто Оризари апелира до Министерство за здравство најитно да ја заврши постапката за отпочнување на работа на гинеколошката ординација, како и да обезбеди трајно решение за овозможување на пристап до гинеколошки услуги на жените Ромки.