Фото: Зоран Антоски

Од појавата на коронавирусот во земјава, покрај останатите мерки на микро план, ЈКП „Комуналец“ врши континуирана дезинфекција на градските улици. Во периодот кога беше многу топло, кичевските улици се дезинфикуваа и два пати на ден, а оваа операција се одвива и денес, кога во деновите од понеделник до петок се врши дезинфекција на сите градски сообраќајници, со акцент на најфреквентните улици и на оние сообраќајници на кои има и најголема концентрација на луѓе, во потесното градско подрачје.

– Нашето претпријатие од почетокот на пандемијата е во континуирана акција на дезинфекција на градските улици, кои во текот на летниот период се дезинфикуваа два пати дневно, а денес оваа операција се изведува пет дена во неделата, од понеделник до петок, со ратвор натриум хидрохлорид. Улиците ќе ги дезинфикуваме се додека постои било каква закана од ковид-19, а тоа го дозволува и временската состојба без врнежи од дожд или евентуално снег – рече Зенел Јонузи , директор на ЈКП„ Комуналец“. З.А.