Топло со мала до умерена облачност и појава на пороен дожд и грмежи

52

Претпладне беше сончево и топло со мала до умерена облачност. Попладнево имаше локална појава на пороен дожд и грмежи во источните планински подрачја, а нестабилно на повеќе места беше во југозападните делови од земјава.

Во делови од Пелагонија, најпрво во околината на Битола, а потоа и на Прилеп, имаше и појава на невреме со интензивен пороен дожд, засилен ветер и појава на град. Во овие моменти нестабилно со пороен дожд и грмежи е на потегот од Дебар, Гостивар, преку Кичево кон Велес и Штип, како и во околината на Куманово.

До вечерните часови ќе има локална појава на пороен дожд и грмежи, претежно во централните и источните делови. Во ноќните часови стабилно со постепено намалување на облачноста.