Саем на книгата за првпат во Кичево

131

За првпат во Кичево се организира Саем на книгата, на кој зедоа учество дванаесет издавачки куќи од земјава. Саемот го организираа Општина Кичево, градската библиотека „Кочо Рацин“ и неколку издавачки куќи. Посетеноста на саемот е во рамките на очекувањата, но се прават обиди преку нови форми на промоција, книгата да се доближи до младите, со што ќе се зголеми и бројот на читатели.

– За првпат во Кичево организиравме Саем на книгата, на кој зедоа учество дванаесет издавачки куќи. Посетеноста на саемот од страна на граѓаните е во рамките на очекувањата. За да ги привлечеме, пред се младите, вршиме презентации и нови форми на комуникација и доближување до книгата, како би придонеле тие да покажат поголем интерес, а не само да вршиме статична понуда на издадените дела, што порано беше редовна појава. На саемот се застапени книги од сите жанрови и за сечиј вкус – истакна Фјола Златку од издавачката куќа „Нов Акропол“, една од организаторите на овој саем.

Таа најави дека вакви саеми ќе се организираат и во други поголеми градови во земјава. Саемот за отворен го прогласи Фатмир Дехари, градоначалник на Општина Кичево.