Поставен првиот полнач за електрични возила во Битола

116

Во иднина сопствениците на електрични возила во Битола, кои ги има во сосема мал број, ќе можат своите патнички возила да ги полнат со струја на засега единствениот полнач со електрични возила, кој е лоциран во паркинг просторот кај спортската сала „Боро Чурлевски“.

Полначот е поставен од страна на ЕВН Македонија, како дел од проектот за поставување 40 полначи за електрични возила на територијата на цела држава.

Како што информираат од ЕВН Македонија, со договорот кој е потпишан помеѓу ЕВН Македонија, Општина Битола и јавното претпријатие за паркинг простор предвидено е за оваа намена да бидат ослободени две паркинг места од страна на јавното претпријатие за паркирање Битола и од страна на ЕВН, а полнењето на автомобилите ќе биде бесплатно за период од една година.

М.М.