Последни подготовки за прослава на Св.Никола во Прилеп

130

Привршуваат подготовките за одбележувањето на патрониот празник на Прилеп, Св.Никола. Се виткаат посните сармички од прилепски жени, членки на здруженијата.

Годинашен домаќин е градоначалникот на Прилеп Илија Јованоски, кому му е и домашна слава.

– Во духот на традицијата и хуманоста по 13 пат во центарот на градот ќе биде прославен патрониот празник. Сите граѓани ќе бидат на едно место. Хуманоста е значајна. Со љубов и почит да бидеме хумани -рече градоначалникот Илија Јованоски.

Неговата сопруга Виолета Јованоска посочи дека за посната трпеза ќе бидат подготвени околу 65 илјади посни сармички, 200 кг.грав и 300 кг.риби, а ќе има на располагање 2000 литри пијалоци.

Ка.М.