Поделени 330 пакети за семејства од прилепската населба Тризла по повод Светскиот ден на Ромите

78

Со кревање на знамето на Ромите на јарболот пред општинската зграда, Општина Прилеп се вклучи во одбележувањето на Меѓународниот ден на Ромите – 8 април.

На кревањето на знамето, заради преевентивни мерки за заштита од коронавирусот присуствуваа само градоначалникот Илија Јованоски, претседателот на Совет на општина Прилеп Миле Талевски и двајцата претставници од ромската етничка
заедница во општинскиот Совет – Адем Мамудоски и Самија Ајдини.

– По повод Меѓународниот ден на Ромите заедно со претставници на ромската
заедница го кренавме знамето на Ромите, за да почекаме дека сите сме еднакви и
дека сме заедно во добро и во зло. Оваа година празникот го одбележуваме скромно
но достоинствено, а во таа насока организиравме и хуманитарната акција со која на
330 семејства од населбата „Тризла 2“ им беа поделени пакети со храна и
средства за хигиена – рече градоначалникот Илија Јованоски, кој повторно упати
апел до сите граѓани на општината да ги почитуваат препораките и мерките на
Владата и на Министерството за здравство, да седат дома и да се вардат. Ка.М.