Литературно читање за Светскиот ден на поезијата во градската библиотека во Кичево

126

По повод Светскиот ден на поезијата, членовите на Литературниот клуб „Китка“ од Кичево, во градската библиотека читаа дела и секој автор имаше можност да прочита по две свои творби. На ова литературно читање учествуваа локалните автори: Оливера Ширгоска, Мира Илијоска, Нашата Наумоска, Јован Миноски, Лидија Аврамоска и Алексо Тришоски.

– Денешното читање во градската библиотека во нашиот град го посветуваме на Светскиот ден на поезијата. Поезијата знае да изгради мостови помеѓу луѓето и да допре до сродните души кои ќе се пронајдат низ стиховите и убавата песна. Таа е духовен светилник во животот. Целта на овој настан е да се доближи читателската публика и да се мотивираат младите генерации да продолжат по истите патеки – рече Оливера Ширгоска од Литературниот клуб„ Китка“ од Кичево.