Во Тетово утре Ден без автомобили

409

Општина Тетово соопшти дека утре ќе спроведе неколку активности со цел да одбележи „Денот на планета Земја“. Целта на одбележувањето на „Денот на Планетата Земја” е да се подигне нивото на свесност за зачувување на животната средина. Затоа во недела ќе биде организиран Ден без автомобили при што во соработка со СВР Тетово неколку улици и булевари ќе бидат затворени за сообраќај, информираат од тетовската локална самоуправа.

Од 8 до 20 часот, предвидено е да се блокираат деловите од булеварите и улиците од
булевар „Благоја Тоска“ до булевар „Илирија“; од улица „Методија Андонов Ченто“
до улица „Дервиш Цара“; улица „Дервиш Цара“ со почеток од „Благоја Тоска“ до булевар „Илирија“; од кружен тек кај „Благоја Тоска“ до булевар „Илинденска“;

Воедно пред платото на Центарот за култура Иљо Антевски Смок во Тетово ќе биде
организиран настан на кој се организирани неколку активности , како што се аеробик
на отворено, музика со локални артисти, активности за деца, крос со велосипеди, саем
за здрава храна и едукативен час за планинарење и движење во природа.

За првпат, Светскиот ден на Планетата Земја е одбележан на 22 април 1970-та година во САД. Денес, повеќе од милијарда луѓе во 192 земји учествуваат во активностите кои се дел од глобалниот настан посветен на планетата Земја.

А.С.