Високата претставничка за надворешна и безбедносна политика на ЕУ, Федерика Могерини утре ќе престојува во Македонија каде се очекува да има средби со македонскиот државен врв и со лидерот на опозицијата Христијан Мицкоски.
Како што информира владината прес-служба, Могерини ќе има средба со премиерот Зоран Заев, по што двајцата ќе дадат кратки изјави за медиумите во Турската Чаршија.
Високата претставничка на ЕУ ќе има средба и со претседателот Ѓорге Иванов, како и со лидерот на ВМРО-ДПМНЕ Мицкоски.
Посетата е во пресрет на претстојниот референдум на кој граѓаните треба да се изјаснат за Договорот од Преспа.
