Словенечкиот претседател Борут Пахор истакнува

Словенечкиот претседател, Борут Пахор, на Бледскиот стратешки форум во Словенија порача дека ЕУ мора да ги почне преговорите со Македонија и со Албанија и дека тоа прашање мора да биде приоритет на Унијата. Според него, ова прашање повеќе не е само политичко.

– Што направи Северна Македонија за својата перспектива? – Сè и повеќе. А што доби за возврат? – Ништо и помалку од тоа. Со ова кредибилитетот на ЕУ многу се наруши. Се обидувам да разберам дека проширувањето на ЕУ во моментов не е приоритет, имајќи ги предвид сите преблеми во ЕУ и пошироко. Но сепак, верувам дека постигнувањето прогрес во преговорите со С Макеоднија и Албанија треба да остане приоритет и ова прашање да се затвори – рече Пахор.