Лидерите на соседната земја да сфатат дека не може да се преговара преку интервјуа и јавни изјави, порача шефот на грчката дипломатија, Никос Коѕијас од Луксембург, по Советот за надворешни работи на ЕУ.

Коѕијас по состанокот со неговите колеги од Унијата, рече дека освен за ситуацијата во Сирија и нуклеарната програма на Иран, разговарале и за земјите од Западен Балкан, а тој информирал за текот на преговорите со Македонија и Албанија.

– Објаснив каде се наоѓаат нашите преговори со Албанија и со ПЈРМ и исто така ја потенцирав потребата лидерите на последната да разберат дека не може да се водат преговори преку интервјуа и континуирани јавни изјави. Дека треба да покажат сериозност и да прифатат еден метод што ќе нè одведе до решение – рече Коѕијас