Државната изборна комисија (ДИК) утринава од Битола почна со преземање и дистрибуција на избирачкиот материјал за претстојните покални избори што ќе се одржат в недела. Станува збор за доверлив материјал кој содржи гласачки ливчиња и изводи од избирачкиот список, според претседателот на ДИК Александар Даштевски, кој додаде дека уредите за биометриска идентификација на гласачите утре ќе бидат предадени во сите општински изборни комитети и во изборната комисија за Град Скопје.

Околу 4,5 милиони ливчиња и материјал за реализација на изборите се отпечатени битолската печатница „Киро Дандаро”. За печатење се потрошени околу 40 тони хартија за ливчиња и 20 тони за записници. Гласачките ливчиња се заштитени и не е можно нивно фалсификување, како што посочи генералниот менаџер на печатницата Драги Милошевски.