Државната изборна комисија (ДИК) вечерва ги соопшти првичните неофицијални резултати од вториот круг на локалните избори, откако броењето на гласовите е завршено во 21 општина.

Според неофицијалните резултати ВМРО-ДПМНЕ ги освои градоначалничките функции во Пехчево, Кочани, Радовиш, Македонска Каменица, Кратово, Гевгелија, Охрид, Ресен, Битола, Демир Хисар, Македонски Брод… а СДСМ стигна до победа во Пробиштип и во Демир Капија, меѓу другите места.

Претседателот на ДИК Александар Даштевски истакна дека првите избори со електронско гласање завршиле успешно, оценувајќи ги како едни од најтешките во поновата историја на Македонија. Тој најави дека официјалните резултати треба да бидат објавени утре попладне.