За да го сочува својот кредибилитет, Европската Унија мора да го забрза пристапот на земјите од Западен Балкан и неопходно е тој процес да биде подинамичен, изјави европскиот комесар за проширување, Оливер Вархеи на пленарната седница на Европскиот парламент во Стразбур.
Тој нагласи дека со Македонија и Албанија мораат да се отворат пристапните преговори, бидејќи и двете држави ги исполниле барањата кои им биле поставени.
– За време на долгите подготовки и преговарачкиот процес ќе ни биде неопходна многу посилна политичка контрола, со максилано учество на државите членки. Во спротивно, ризикуваме јакнење на силите кои би можеле да нанесат штета на преговарачкиот процес – предупредува Вархеи.
Според него, проширувањето на Западен Балкан може да биде успешно само ако ЕУ го исполни ветувањето кое го дала, а тоа бара побрз и подинамичен процес.
