Чешка го ратификуваше протоколот за членство на Македонија во НАТО

358

Чешкиот Парламент денеска го ратификуваше Протоколот за членство на Република Македонија во НАТО.

На седницата присуствуваше и премиерот Зоран Заев, кој е во еднодневна работна посета на Чешка како учесник на „Самитот на премиерите на државите од Вишеградската група и премиерите на државите партнери од Западен Балкан“.

Земјите-членки на НАТО на 6 февруари го потпишаа Протоколот за пристапување на Македонија во Алијансата. По ратификацијата на Протоколот во парламентите на сите 29 земји-членки на Алијансата, Македонија и официјално ќе стане полноправна членка.