Хрватскиот Сабор го ратификува Протоколот за НАТО

120

Хрватскиот Сабор денеска со 116 гласови „за“ и два „против“ го ратификува Протоколот за пристапување на Република Северна Македонија во НАТО.

Гласањето го следеше и македонска делегација. Претседателот на Саборот Гордан Јандроковиќ им честиташе за потврдувањето на Протоколот за влез во НАТО, најавувајќи дека Хрватска ќе продолжи да и дава поддршка на Северна Македонија и на патот кон членството во Европската Унија.

– И честитам на Република Северна Македонија за членството во НАТО и можам да ви кажам во име на застапниците кои ја поддржаа денешната одлука дека Република Хрватска ќе ви даде поддршка на патот кон ЕУ, порача Јандроковиќ.

Хрвaтска е петта членка на НАТО што го ратификува Протоколот за членство во НАТО. Прва тоа го стори Грција, а по неа Словенија, Албанија и Бугарија. Протоколот за членство на Северна Македонија денеска треба да биде одобрен и во Парламентот на Црна Гора.