Филип Рикер во посета на Битола

581

Денеска во работна посета на Битола ќе престојува Филип Рикер, вршител на должноста државен секератр на САД за Европа и Евроазија.

Рикер заедно со висока делегација од амбасадата на САД во Македонија ќе имаат средба со градоначалничката на Битола, Наташа Петровска. Тоа ќе биде прва негова посета на Битола.

Засега не се соопштува поводот за посетата на Рикер, а од канцеларијата за односи со јавноста на битолската градоначалничка испратија соопштение до медумите дека на средбата нема да бидат дозволени прашања како и изјави за новинарите.

Многумина во Битола оваа посета ја поврзуваат и со аферата „Рекет“ во која, како што изјави премиерот Зоран Заев на седницата на Собранието за пратенички прашања, мета на условувања од страна на инволвираните во оваа афера била и градоначалничката Наташа Петровска.

М.М.