Заев на состанок на Вишеградската група во Чешка

138

Премиерот Зоран Заев престојува во еднодневна работна посета на Република Чешка. Тој ќе учествува на „Самитот на премиерите на државите од Вишеградската група и премиерите на државите партнери од Западен Балкан“.

Вишеградската група ја сочинуваат Унгарија, Полска, Чешка и Словачка. Тема на состанокот ќе биде јакнење на севкупната политичка и економска соработка меѓу двата региона, а посебен фокус ќе биде ставен на прашањата од областа на инфраструктурата, образованието, финансиската стабилност и климатските промени.

На состанокот нема да учествува премиерот на Косово, Рамуш Харадинај, поради, како што е соопштено, обврски коишто ги имал на Косово.