Заев ги достави предлозите за нови министри до Собранието

363

Предлозите за испразнетите министерски места во Владата премиерот Зоран Заев ги достави денеска до Собранието. Откако тие ќе бидат архивирани, ќе бидат ставени на дневен ред за гласање. 

Тој синоќа по завршувањето на Централниот одбор на СДСМ потврди дека кандидатка за министерка за финансии ќе биде Нина Ангеловска. На листата е и кандидатот за нов заменик министер за економија, Кирил Колемишевски, а за заменичка министерка за образование е назначена Елизабета Наумовска. Заев истакна дека Кире Наумов ќе биде нов директор на Развојната Банка на Македонија. Премиерот и СДСМ го предлагаат Неџат Мехмедовиќ за заменик министер за новото министерство за политички систем и односи меѓу заедниците.