ЕУ не определи датум за почеток на преговори со Македонија

577

Министрите за надворешни работи на Европската Унија на Советот за општи работи на Унијата во Луксембург не се согласија околу доделувањето датум за почеток на преговори за Македонија, но и за Албанија. Тие се договориле најдоцна до октомври да се навратат на ова прашањето.

Еврокомесарот за проширување, Јоханес Хан, на прес-конференција соопшти дека мнозинството членки на Советот не ја поддржале чистата препорака на Европската комисија за доделување на датум за преговори на денешниот состанок.

-За жал мнозинството членови не ја поддржа чистата препорака на Комисијата за отворање преговори за пристапување во ЕУ со Северна Македонија и Албанија- рече Хан.

Додаде дека е уверен дека во октомври ќе има одлука за почеток на преговорите со Македонија.