Фото: Игор Бансколиев

Пациентите ќе бидат пренасочени во „8 Септември“

Инфективната клиника во Скопје ќе биде затворена две недели зашто поради огромниот број пациенти потребна е целосна дезинфекција на објектот, изјави директорката на оваа клиника, д-р Милена Стевановиќ.

-Ќе се направи сериозно чистење, стерилизација, дезинфекјција на душеци, перници, медицинскиот мебел, се она што е простор, ѕидови и подови итн., ќе се направат и некои диполнителни процедури кои ни се рутинска потреба која не можевме да ја направиме поради бројот на пациенти – рутинско проверување на противпожарните апарати, дополнување на сензорите за пожар, кои малку заостанаа во овој период. Ова ќе биде добредојдено и за персоналот кој две години конкутинуирано е под атакот на ковид-19, ќе биде добро сите ние да земеме малку душа. Но она што е главно е комплетно да ја подготвиме клиниката за евентуално нов бран и очекување пацинети – рече Стевановиќ за ТВ Телма.

Тројцата пациенти кои во моментов се лекуваат на клиниката ќе бидат на кратко префрлени во болницата „8 Септември“ и сите останати кои ќе имаат потреба од инфектолозите ќе бидат пренасочени во таа болница.