Кривична пријава е поднесена против жител на Богданци поради сомнение дека сторил кривично дело „криумчарење мигранти“.

Регионалниот центар за гранични работи Север поднесе кривична пријава против М.М.(30) од Богданци.

Полициски службеници завчера на автопат Скопје-Куманово по наплатна рампа „Романовце“ сопреле товарно возило „Форд Транзит“, кое го управувал пријавениот.

Тој не застанал и продолжил со движењето кон Куманово, а на булеварот „3-та МУБ“, во близина на зеленото пазарче, пријавениот скокнал од возилото, по што тоа се судрило со друго паркирано возило.

При преглед во возилото биле пронајдени 30 мигранти, од кои 28 од Пакистан и двајца од Авганистан, меѓу кои и две малолетни лица.