На автопатот Неготино – Демир Капија денеска во раните утрински часови, теренец марка „тојота РАВ 4“ излетал од патот.
Како што информираат од МВР, возилото со австриски национални ознаки било управувано од 34-годишник од Германија.
Во незгодата со тешки телесни повреди се здобило седумгодишно дете, сопатник во возилото, кое било пренесено во Комплексот клиники „Мајка Тереза“ во Скопје.
Полицијата извршила увид на местото на настанот и ги расветлува причините за несреќата.
