Фото: Илустрација

Скопјанец на возраст од 37 години, утрово, околу 4 часот, во полиција пријавил дека бил физички нападнат на неговото работно место.

Според пријавата на Н.Г., тој бил физички нападнат со остар предмет од страна на 34-годишниот И.К. од Скопје, по претходно недоразбирање. Инцидентот се случил околу 23 часот во угостителски објект на подрачјето на Центар, додека Н.Г. бил на своето работно место како менаџер

Причина за недоразбирањето, наводно било оштетеното возило на напаѓачот, кое се наоѓало пред објектот. Нападнатиот пријавил во полиција и дека потоа, по барање на напаѓачот, тој отишол да го викне и менаџерот од соседниот угостителски објект.

Настанот во полиција го пријавил и 34-годишниот скопјанец чиј автомобил бил оштетен. Според неговата изјава, околу 22.45 часот во близина на угостителските објекти бил физички нападнат од четири лица кои му го оштетиле возилото „фолксваген пасат“.

Полицијата работи на расчистување на случајот.