Жител на Радовиш загинал во сообраќајна несреќа што се случила вчера вечер на патот Штип-Кочани, во близина на крстосница за село Кучичино.
Според информациите на МВР, во несреќата учествувале „фолксваген поло“, со радовишки регистарски ознаки, управувано од С.З.(71) од Радовиш и автомобил „форд фокус“, со штипски регистарски ознаки, управувано од Н.Р.(29) од Штип.
С.З. починал на местото на незгодата, додека Н.Р. се здобил со повреди и бил пренесен во Здравствена установа Кочани.
Увид на местото на незгодата извршила екипа од Полициска станица Кочани.
