Центарот за управување со кризи информира за состојбата со пожарите до 8 часот утринава.
Пожарот кај селата Дивље и Крушје уште е активен и се шири кон ливади со сува трева. На пожарот ќе се продолжи со гаснење во текот на денешниот ден. Интервенираат
ШС Караџица со 12 вработени; БППЗ со 5 пожарникари и 2 ПП возила.
Пожарот кој во текот на вчерашниот ден навлезе во атарот на село Џидимирци во општина Велес. Во раните утрински часови, екипа на ШС Бабуна Велес излегла на терен и констатирала дека во текот на ноќта врнело дожд и истиот е изгаснат.
Пожарот кај селото Раовиќ е изгаснат, откако интервенираа АРМ со 20 припадници;
ШС Јасен со 3 вработени, НП Јасен со вработени, БППЗ со 3 пожарникари со едно противпожарно возило и хеликоптери на АРМ. Пожарот кај село Топлица, поточно од Ракле кон Крстец е изгаснат по интервенцијата на ШС Црн Бор Прилеп со 6 вработени.
