Вчера полициски службеници од СВР Велес – ОВР Кавадарци ги лишиле од слобода С.Т.(27) и А.Т.(24), двете од Скопје, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.
По добиена наредба од судија на претходна постапка при Основен суд Кавадарци, бил извршен претрес во домот и помошни простории во Кавадарци, каде двете лица престојувале, при што, како што соопшти полицијата, биле пронајдени и одземени таблети „екстази“, марихуана, бела прашкаста материја, дигитална вага.
Лицата се приведени во ОВР Кавадарци, а по документирање на случајот против нив ќе биде поднесен пријава по член 215 од Кривичниот законик.
