На Граничниот премин „Блаце“, на паркинг во комбе „мерцедес“ со скопски регистарски ознаки, е пронајдено женско лице без документи за идентификација, информира МВР.

-На 13.04.2019 година околу 21.45 часот на Граничниот премин „Блаце“, на паркинг во комбе „мерцедес“ со скопски регистарски ознаки, управувано од И.С.(49) од село Глумово, скопско, било пронајдено женско лице без документи за идентификација. Во разговор со полициски службеници таа изјавила дека се вика Н.С.(18) од Косово- соопштуваат од МВР.

Лицето било предадено на полициски службеници од Одделот за прекуграничен криминал и миграции при Регионалниот центар за гранични работи Север за понатамошна постапка.