Јанкулоска тврди дека не знаела оти опремата за прислушување ќе се уништува

250

Поранешната министерка за внатрешни работи Гордана Јанкулоска, во својот исказ во Кривичниот суд, тврдела дека не знаела оти ќе се уништува опремата со која е извршена масовна злоупотреба со нелегално прислушување, иако таа ја потпишала одлуката за формирање на комисија во УБК, пренесуваат повеќе медиуми.

 – Од документацијата која ја потпишав не може да се утврди дека ќе се уништува опремата за следење на комуникации – истакнала Јанкуловска, додавајќи дека дознала кога СЈО го отворило случајот „Тврдина“.

Поранешната министерка нагласила и оти никој не и посочил дека има проблеми со барањето за формирање на комисија, по што таа го потпишала.

За време на исказот, поранешната министерка истакна дека никој не и посочил дека со барањето за УБК за комисија има проблеми и таа го потпишала.

Обвинети во овој предмет се поранешниот директор на УБК, Сашо Мијалков, поранешната министерка за внатрешни работи, Гордана Јанкулоска и неколку вработени во поранешното УБК кои се товарат за нелегално прислушување на над четири илјади телефонски броеви во периодот меѓу 2008 и 2015 година.