Финансиска истрага за судиите кои ја пуштија Јанева во домашен притвор

1456

Финансиска истрага за судиите кои вечерва ја пуштија поранешната специјална обвинителка Катица Јанева во домашен притвор. Ова го најави обвинителката Вилма Русковска откако Апелациониот суд го прифати барањето на Јанева.

– Не знам кои се судиите. Чекам да го добијам решението, но ќе покренам финансиска истрага – изјави Русковска, не криејќи дека не е задоволна од оваа одлука.

Јанева во истражниот затвор во Шуто Оризари беше од 21 август годинава кога беше уапсена како второосомничена за случајот „Рекет“, а денес беше префрлена во домашен притвор во станот на нејзиниот син. 

На Јанева ѝ е одземен пасошот, а државата нема да смее да ја напушти ниту со лична карта.

Првото рочиште за „Рекет“ е закажано за 3 декември.