Судењето зa „Меѓународен сојуз“ одложено поради хоспитализацијата на Јовановски

76

Судењето за случајот познат во јавноста како „Меѓународен сојуз“ се одложува за во октомври. Како што соопшти Кривичниот суд главната расправа којашто требаше да се одржи денеска се одлага со оглед да еден од обвинетите се уште е хоспитализиран по извршен оперативен зафат.

Согласно претходно утврдениот распоред, главната расправа ќе продолжи на 7 октомври во 10 часот, информира Основен кривичен суд Скопје.

За случајот со невладината организација Меѓународниот сојуз, основана од Бојан Јовановски-Боки 13, преку која според обвинението биле измамени бизнисмен за наводни центри за возрасни лица, обвинети се и Фросина Ременски, Миле Јовановски, таткото на Боки 13 и Јасна Мандиќ.

Јовановски е обвинет за измама и перење пари. Ременски, како потпретседателка на невладината организација е обвинета за помагање во делото измама, Мандиќ за помагање во измамата и перењето пари, Миле Јовановски се терети за помагање во перењето пари и за неовластено изработување, држење, посредување и тргување со оружје. Како правно лице обвинета е и невладината организација.