Сообраќајка на патот Охрид-Кичево, меѓу повредените и едногодишно дете

174

На магистралниот пат Охрид–Кичево, на крстосницата за селата Ново Село и Црвена Вода вчера околу 8.20 часот се случила сообраќајна несреќа во која меѓу повредените е и едногодишно дете.

Несреќата се случила кога патничко возило „Фолксваген“ со охридски регистарски ознаки, управувано од А.Е. (37) од Струга, во кое се превезувале А.С.З. (36), Џ.З. (32) и четири деца на возраст од 14, пет, три и една година, сите од Шведска, преминал на спротивната коловозна лента и удрил во патничко возило „Цитроен Ксантија“ со охридски регистарски ознаки, управувано од Б.П. (34) од с.Ново Село, општина Дебарца.

Во незгодата со тешки телесни повреди се здобиле возачот на возилото „Цитроен“-Б.П. и сопатничката во возилото „Фолксваген“ – А.С.З., додека со телесни повреди се здобило едногодишното дете. Тие биле задржани на лекување во болницата „Св.Еразмо“.

Увид на местото на настанот извршила екипа од СВР Охрид.