Од две возила со автоматски пушки пукано кон скопјанец во населбата Бутел

410

Скопјанец пријавил дека попладнево од две возила биле испукани стотина куршуми кон него. Престрелката се случила во скопски Бутел 2. Од МВР го потврдуваат настанот и велат дека имаат добиено пријава.

– Во 17.47 часот О.И. пријавил дека на улицата „Христијан Тодоровски Карпош“, во новиот дел по подвозникот од десната страна, од две возила – едното „фолксваген пајтон“ сива боја и црно „ауди 4“, кон него од страна на неколку лица било пукано со автоматско оружје. Никој не е повреден. Пријавителот посочи дека препознал дел од напаѓачите. Се работи на расчистување на случајот – велат од МВР.

Засега нема официјални информации дека лицата кои пукале кон скопјанецот, ниту пак, причината за тоа. Од МВР велат дека истрагата е во тек.