Одлучив да ги дадам парите за да се тргне лагата

741

Зошто на 22 февруари давате непостоечки еден милион евра спакувани во ташна Луј Витон, го праша Бојан Јовановски сведокот Орце Камчев на продолжението на седницата.

– Јас одлучив да ги исплатам парите за да се тргне лагата – рече Камчев и кажа дека парите не се непостоечки.

„Дали свесно ја игравте улогата на агент-провокатор за да ги информирате вашите странски пријатели” праша Јовановски, а судот не дозволи Камчев да одговори на прашањето.

На следното прашање, дали свесно го наведувал Јовановски да спомнува имиња на политичари пред него, Камчев рече „не“, како и дека „свесно не го наведувал на ништо“.

– Свесно ли те наведов да ја носиш Јанева на операција за да си ја смали килажата – му рече Камчев на Јовановски пред судот.