Неколкумина приведени по инцидент на фудбалски натпревар во охридско

227

На фудбалски натпревар помеѓу екипите на ФК Сатеска од с.Волино и ФК Црно буки од Битола, во с.Волино-Дебрца, вчера околу 17.05 часот, дошло до инцидент. Како што велат од МВР, поради незадоволство од одлука на судиите, З. Т. (47) од с.Волино влегол на теренот да ги нападне.

Полициски службеници интервенирале и при неговото приведување З.Т. пружил отпор, а полициските службеници биле попречувани од повеќемина жители на селото Волино, кои подоцна биле приведени во ПС Охрид.

Во попрачувањето учествувале уште две лица по кои се трага. Известен е јавен обвинител и против лицата ќе бидат поднесени соодветни поднесоци.