Насилници нападнале вработена оти не им дала да јадат бурек без пари

1505
фото илустрација

Тројца насилници во алкохолизирана состојба ноќеска побарале да јадат во фурна без пари, но откако вработената ги одбила, почнале да го демолираат дуќанот, по што ја нападнале и неа.

Како што соопшти полицијата, ноќеска 15 минути по полноќ било пријавено дека во Скопје на улица „Христо Татарчев“ во фурна „Христина Клас“, додека Љ.Н.(64) од Скопје, била на нејзиното работно место заедно со нејзиниот син дошле три непознати лица во алкохолизирана состојба и побарале да јадат без пари. 

Откако им било укажано дека не може да јадат без пари, едно од лицата кое имал боксирач во раката започнал да ја крши вратата и витрините од бурекџилницата. По ова, Љ.Н. им рекла дека за 30 денари не вреди да се расправаат, а истите физички ја нападнале, едно од лицата вперило и пиштол кон неа. По преземени мерки во врска со пријавениот настан во Полициска станица Кисела Вода се приведени А.Ф.(22), Ф.Б(25) и Г.Г.(29) сите од Скопје.

Се превземаат мерки за документирање на случајот по што ќе бидат поднесени соодветни поднесоци.