Маж тешко повреден во сообраќајка на патот Скопје-Тетово

200

Четириесет и осумгодишен маж е тешко повреден во сообраќајна несреќа, која вчера се случила на регионалниот пат Скопје-Тетово, во атарот на селото Арнакија.

Несреќата се случила помеѓу возилото „Форд ескорт“ со кое управувал сега повредениот С.Р. и автомобил „Опел Астра“ кој го напуштил местото на настанот.

Во незгодата со повреди С.Р. бил пренесен во Градската општа болница „8-ми Септември“ за укажување помош. Увид на местото извршила екипа од СВР Скопје и се работи на расчистување на случајот.