Ветерот го шири пожарот кај Опеница, кризниот штаб бара решение

245

Поради сериозноста на ситуацијата заседава Кризниот штаб на Општина Охрид кој бара решение како да се изгасне пожарот кој се спушта кон селото Косел и Опеница. Огнот и натаму се шири поради ветерот. Граѓаните се вознемирени и велат дека ситуацијата е алармантна. Опожарена е голема површина – гори смрека и борови.

Поради пожарот, во текот на ноќта Охрид беше прекриен со чад и се чувствуваше силна миризба.
Пожарот изби вчера кај местото викано „Јасика“ во близина на двете села. Вчера било интервенирано само со едно пожарникарско возило, а вечерта, поради неможноста да дејствуваат, екипите се повлекле.

Теренот е тешко пристапен, бидејќи станува збор за планинско место. Во гаснењето на пожарот вклучени се и екипи на шумското претпријатие.