Билтен

93

Излетала од патот Битола – Ресен

На патот Битола – Ресен, пред Ротинска крстосница, А.З. (29) од Битола, која управувала патничко возило „сеат ибица“, со битолски регистарски ознаки, изгубила контрола и излетала од коловозот. Во незгодата А.З. добила тешки телесни повреди, по што била пренесена во Клиничката болница во Битола, за укажување лекарска помош.

Сообраќајка кај Петровец

Уште една сообраќајна незгода се случила на крстосницата од регионалниот пат Скопје – Велес, кај селото Петровец. Несреќата се случила помеѓу патничко возило „опел корса“, со скопски регистарски ознаки, управувано од С.П. (31) од Петровец, и патничко возило „фолксваген туарег“, со скопски регистарски ознаки, управувано од З.Н. (45) од селото Идризово. Во незгодата тешки телесни повреди добил С.П., а телесни повреди добил З.Н., по што биле пренесени во градската општа болница „Свети Наум Охридски“, за укажување лекарска помош.
Извршен бил увид на местото на настанот од увидна екипа од надлежните полиции.

Уапсени поради поседување дрога

Полициски службеници од СВР – Скопје на булеварот Гоце Делчев ги лишиле од слобода О.С. (38) и С.К. (25) од Скопје, затоа што при извршен преглед кај нив била пронајдена прашкеста материја. Тие биле приведени и, по документирањето на случајот, против нив ќе биде поднесен соодветен поднесок.

Напад со нож во Криволак

Во полициската станица во Неготино, четириесет и седумгодишниот С.Ј. од селото Криволак пријавил дека во нивниот дом отишол А.Н. и физички ја нападнал неговата сопруга С.Ј. Напаѓачот му се заканувал и на С.Ј.
Полицијата работи на расчистување на случајот.

Нападнат домар во хотел во Струга

Вработен во хотел во Струга како домар пријавил дека две непознати лица зеле старо железо што се наоѓало покрај хотелот. Едно од лицата потоа го нападнало домарот со метален предмет. Полицијата работи на расчистување на случајот.

Маж ја нападнал својата сопруга

Триесет и седумгодишна жена од селото Прналија, во Карбинци, пријавила дека нејзиниот сопруг С.Н. дошол со возило и насилно ја внел во него, па заминале кон селото Јонузлија, по што физички ја нападнал. Се работи на расчистување на случајот.

Ограбена црквата „Пантелејмон“ во Велес

Во секторот за внатрешни работи во Велес било пријавено дека непознат сторител извршил тешка кражба во црквата „Свети Пантелејмон“ во Велес. Сторителот насилно ја отворил споредната врата, по што одзел пари и свеќи. Се работи на расчистување на случајот.