Фото: СНМ

По информацијата за зголемување на цените на нафтените деривати од поладнево почнаа да се создаваат редици од возила пред бензинските пумпи.

Граѓаните брзаат да наполнат гориво по стара цена.

Речиси и да нема бензиска станица каде нема редици од автомобили кои чекаат да наточат горово по старата цена.

Малопродажната цена на бензинот ЕУРОСУПЕР БС-95 се зголемува за девет денари по литар, додека на безоловниот бензин ЕУРОСУПЕР БС-98 се зголемува за 9,50 ден/лит,соопшти денеска Регулаторната комисијата за енергетика (РКЕ), додавајќи дека поскапува и дизелот, за девет денари за литар.

Малопродажните цени на нафтените деривати се зголемуваат во просек за 7,96 проценти

Со тоа, малопродажната цена на ЕУРОСУПЕР БС-95 од полноќ ќе изнесува 104,00 ден/лит, додека малопродажната цена на ЕУРОСУПЕР БС-98 изнесува 106,50 ден/лит. Литар дизел ќе чини 95 денари. Цена на екстралесното масло за домаќинство (ЕЛ-1), се зголемува за осум и пол денари за литар и ќе изнесува 93 денари.

Ова е сликата што попладнево можеше да се забележи пред бензиските пумпи во главниот град: