Борбата против корупцијата на високо ниво мора да продолжи непрекинато. Ова на Твитер го напиша еврокомесарот за проширување и соседска политика Јоханес Хан, по објавувањето на снимените разговори во врска со случајот „Рекет“.
– Борбата против корупцијата на високо ниво мора да се одвива непрекинато. Што се однесува до најновите откритија, важно е да се утврди правна одговорност за сите кривични дела, вклучително и оние што произлегуваат од нелегалните прислушувања. Никој не е над законот и не може да има неказнивост. Надлежните органи мора да ги испитаат сите кривични дела, без никакво мешање, а сторителите да бидат изведени пред лицето на правдата – напиша еврокомесарот на Твитер.
No one is above the law and there can be no impunity. All crimes must be investigated by the relevant authorities, free from any interference, and the perpetrators brought to justice. 2/2
— Johannes Hahn (@JHahnEU) August 11, 2019
