Премиерот, Оливер Спасовски, по повод 23 Мај, Националниот ден на Власите, во негово и во име на Владата, упати честитка до припадниците на влашката етничка заедница.
– Денеска го одбележуваме 23 Мај и ова е можност да оддадеме признание на влашкиот народ на вековниот стремеж за зачувување и промовирање на својот сопствен јазик, култура и традиција. Влашката заедница секогаш била силен елемент во нашата заедничка борбата за слобода, правда, независност и државност – се наведува во честитката на премиерот.
Тој воедно изразува благодарност за несебичниот придонес на влашката заедница во градењето на заедништвото и повикува низ толеранција, доверба и почитување да продолжи градењето на едно општество за сите.
