Фото: Твитер

Охрид е полн со домашни туристи со оглед на продолжениот викенд. На плажата „Градиште“ денеска можеше да се забележи голем метеж и беше невозможно да се задржи дистанцата, судејќи според фотографиите објавени на социјалните мрежи.

Во текот на денот имаше и жестоки реакции за неодржувањето на хигиена на јавните простори во Охрид. Во езерото плива ѓубре што го фрлаат посетителите, а по тротоарите и улиците врие од смет, пластични шишиња, кутии од цигари и кеси преполни со ѓубре.

Утрово колони од возила се упатија кон Охрид, а на моменти сообраќајот беше во комплетен застој.

Министерството за внатрешни работи најави дека за време на продолжениот викенд ќе врши засилени контроли со цел зачувување на стабилната безбедносна и здравствена состојба.

Од Министерството за здравство апелираа да се почитуваат протоколите за плажите и базените.