ОХРИД

Се гради ново детско игралиште во дворот на основното училиште „Григор Прличев“. На локацијата веќе се поставени најсовремени реквизити за забава и се врши поплочување на подлогата со бехатон-плочки. На игралиштето ќе биде поставена и специјална гумирана подлога, која е во согласност со стандардите за безбедност.
– Според планираното, откако ќе завршат активностите за уредување на ова игралиште, ќе започне изградбата на ново детско игралиште во населбата Радојца Новичиќ во непосредна близина на новиот терен за баскет – велат во Општина Охрид.
Претходно, ново детско игралиште беше изградено на пешачката патека кон „Горица“. Средствата за изградба на трите игралишта се обезбедени од буџетот на Општина Охрид, во вкупен износ од 3.446.113 денари.