Сообраќајот на државните патишта се одвива непречено по влажни коловози. Врнежи од слаб дожд има на патиштата низ целата држава. Поради појава на магла видливоста е намалена од 50-100 метри на планинските превои Стража, Ѓавато и Пресека.
На патниот правец крак Маврово-Маврови Анови поради појава на одрони се препорачува крајно внимателно возење.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
