Фото: Илустрација

Со два прелета, грчките воени авиони изутринава извршија првични пробни летови во пресрет на најавеното патролирање на македонскиот воздушен простор.

Целта на прелетите кои биле изведени во периодот помеѓу 7.30 и 9.30 часот, била проверка на комуникацијата и радарската покриеност на македонскиот воздушен простор.

Тестирањата се извршени за потребите на НАТО-мисијата за заштита на воздушниот простор на земјите-членки на Алијансата, како и кон исполнувањето на условите во воздухопловството од страна на Македонија, како идна рамноправна членка на НАТО.